*أماكن ممكن تسافرها في أجازه العيد غير الساحل 😉* (Campaign 6 Posts)

*أماكن ممكن تسافرها في أجازه العيد غير الساحل 😉*                                

دايما اول مكان بنفكر فيه لما بنبقي عاوزين نسافر، بيبقي الساحل او اسكندريه و اماكن تانيه كتير اتكررت كتير، و مش بنتوقع ان في أماكن جديده فعلا غير دي موجوده و سهله جدا تتراح و من الأماكن دي هي👇

*سهل حشيش*
و هي عباره عن منطقه ترفيهيه في البحر الأحمر اللي معروف انه بحر ساكن و من احلي الاماكن اللي ممكن توصل فيها لعمق كبير و تعوم و انت مش خايف😉 و كمان هو علي بُعد 25 متر من الغردقه، و بيضم مجمع سنيمائي و كمان فيه مدينه فرعونيه تحت الماء لو انت بتحب الغطس🤗
و من اكتر الحجات المشهوره اللي بتجذب الناس فيه هو كوبري علوي جوا حدود البحر يعني تفضل تمشي علي الكوبري و انت جوا البحر بس بتتنفس عادي🙈
و فيه اكتر من خمس منتجعات سياحيه، و هنسيبك تكتشف الباقي لما تروح و تقولنا ايه اخبار الرحله دي معاك😉

*كاسل زمان*

أراهننك لو سمعت عن مكان زي كدا و تكون عارفه رغم جماله اللي هتكتشفه دلوقتي..
كاسل زمان اللي باينه من اسمها موجوده علي طريق طابا، نويبع، في وسط سينا.
شبه الفندق، بس هو مش فندق لا 😂
مكان بيطل علي بحر سينا المعروف بجماله، فيه حجات كتير ممكن تعملها هناك زي المساج و اليوجا و السونا و كمان السباحه، المعني الحقيقي لأنك تفرغ نفسك للطبيعه بس، لا و كمان ممكن تشوف السعوديه و الاردن عن بعد و انت قاعد في قلب مصر. 🙈
و أكتر مكان مشهور بأن الأكل بيتسخن علي رمال سينا السخنه يعني منتهي الطبيعه😉

*واحه او صحرا مش كلهم يعني جفاف*                                                             

دايما أول ما بنقول كلمه واحه قبل اي حاجه علطول بنفتكر الحر و الجفاف 
بس دا مش حقيقي خالص لسا في اماكن ممكن تنطق قبلها الكلمات دي و تطلع فيها مايه و طراوه احلي من المصايف كمان زي ايه  

*واحه سيوه*
واحه سيوه موجوده في الصحراء الغربيه بس دا مش معناها انك هتمشي وسط التراب و تموت من الحر
ليه لأنها اصلا تابعه لمحافظه مرسي مطروح و منطقه سياحيه و ترفيهيه جامده جدا
مليانه ابار و عيون زي عين كليوباترا و عين شروف بتستخدم للشرب و العلاج
مليانه معابد معروفه بجمالها زي معبد امون اللي بيقولوا عليه بيكون اجمل الاماكن اللي ممكن تروحها في الربيع.
و كمان سيوه مشهوره جدا بأزدهارها الحيواني و النباتي علشان كدا ساعات بيتقال عنها محميه.
و مشهوره جدا برحلات السفاري، و صنفت كمان من اكتر الأماكن عُزله علي كوكب الأرض، يعني هتريح دماغك علي الأخر و حجات تانيه كتير هتنبهر بيها لما توصل بالسلامه 

*الواحات البحريه*
الواحات البحريه مكانها في الصحراء الغربيه بس ميزتها انها في محيط الجيزه و القاهره الجديده و دا يخليك تندهش ان في حاجه بالقرب دا منك بس مبتروحهاش
و اشتهرت حدا بالرحلات البريه و الاثار المختلفه و بيحيط بيها من كل الجوانب تلال سودا
مشهوره بالعيون الكبريتيه اللي بتستخدم للعلاج
و اماكن الأثار هناك معروفه بجملها زي معبد الاسكندر الأكبر
و وادي المومياوات الذهبيه.
يعني هتروح تتفسح و تتعالج و تلاقي بحر كمان 

*مش كل اسم علي مسمي، في اسم علي ما تروح و تشوف بعينك😉*

في اماكن كتير دايما اول ما بتبدأ ب وادي او محميه بيبقي تخيلنا الوحيد ليها هو مكان ديق، او محميه مليانه صبار و نباتات تحيا علي الجفاف و ظروف المعيشه الصاعبه😂
بس دا مش كله صح لا
هتعرفوا دلوقتي ايه الصح لما نتكلم عن

*وادي الجمال*وادي الجمال دي مكان محدش يعرفه ولا مصريين ولا اجانب 😂 و طبعا من أسمه معروف انه اتسمي كدا علشان مليان قبائل بتربي الجمال و نباتات بيتغذي عليها الجمال
موجوده في مرسي علم في محافظه البحر الأحمر يعني متخيلين مواصفات البحر اللي جواها اللي مشهوره بجمال شعبها المجانيه و الجزر الصغيره
و مشهوره جدا بنوع شاى مبيشربوش غيره هناك و ليه مذاق خاص و هو الشاي الجبلي
و جبل حماطه اشهر و اعظم مكان تشوف منه الغروب و كمان فيه حيوانات نادره حدا ري الغزلان و الصقور
دي كمان فيها اماكن للتخييم و معيشه جو خليجي مختلف جدا هناك
يعني بحر مليان حجات مختلفه، و شاي من نوع مختلف، كائنات نادره و كمان تخييم، اعظم و احمل مكان ممكن تروحه و متنساهوش🙈

*جزيره Orange Bey*جزيره اورانج قريبه جدا من طريق الغردقه، هتحس فيها انك رايح تصيف اه بس بشكل مختلف تماما عن الطبيعي
مش بس هتنزل في المايه و تبلبط كدا ساده😂
لا انت هتتمرجح في المياه علشان هي مشهوره جدا بالكراسي المعلقه علي المايه
مش بس كدا
اغلب القعدات في اورناج مبتبقاش كفتريات عاديه، لا بتبقي كافتريا مائيه يعني هتقعد علي كرسيك و طرابيزتك بس في عرض المياه، يعني صيف من نوع جديد

مصر مليانه اماكن تسافرها في العيد غير الساحل، جرب و قولنا هتروح فين العيد دا😉