هتختار البشر ولا الحيوانات (Campaign 5 posts)

*هتختار البشر ولا الحيوانات 😉*                                

لو سألنا نفسنا دلوقتي حتى الناس اللي عايشة في أماكن بعيدة و تكاد تكون فيها برضو نقص سكاني حبتين، وحاولنا نكتشف احنا بريين ولا مدنيين؟
هتجاوب علي نفسك و تقول إيه؟
حتى لو المحيط اللي حواليك فيه بعض الحيوانات الأليفة والغير أليفة بنسبة بسيطة.
أحب أقولك إنك كدا كدا مدني متحاولش، وعلشان تاخد
توثيق بالحياة البرية دا ليه شروط أساسية وطفيفة وأولها انك تتعايش مع بعض الحيوانات الغير أليفة.
ثانيهم أنك تستغنى شويتين تلاتة اربعة عن كل الرفاهية
والتكنولوجيا اللي في حياتك.
ثالثهم بقى انك تتعلم أصول الاعتماد على النفس في الأكل و الشرب و الطبخ وتنسى السوبر ماركت و البوتاجاز و الكلام دا.

بس عارف الميزة اللي هتكسبها من كل دا ايه؟ أولها طبعا انك هتفصل وتريح دماغك عن كل ضغوط الحياة المدنية، هتعيش حياة جديدة بخبرات جديدة مش هتعتمد فيها على الفلوس ودي أكبر ميزة.أخيرا هتعرف أسرار كتير من الكون عمرك ما هتكتشف لغزها.
بس يا ترى جاهز تخوض التجربه دي؟
كمل المقال و قولنا لما توصل لأخره.

#البشر #الحيوانات #الحياه_البرية #بعيده #نقص_سكان #مدني #أليفة #متوحشة #شروط #رفاهيك #تكنولوجيا #حياه #أكل #شرب #طبخ #بوتاجاز #ميزة #ضغوط #الفلوس #اسرار #لغز #تجربة #مقال
_

*فاكر موغلي اللي في سبيستون, تصدق طلع حقيقه *

موغلي، أسطورة الحياة البرية الكرتونية صاحب الحيوانات و الطيور في سبيس تون.
صديقنا موغلي مكنش خيال خالص زي ما كلنا واحنا أطفال كنا فاكرين، موغلي هو أحدث نموذج للحياة البرية في 2007 يعني كان فيه قبله كمان قصص كتير واقعية.
موغلي طفل عنده 14 سنة، بعض المسافرين لاقوه واقع من على شجرة و كان ساعتها بيتغذى علي أوراق الشجر ومش بيتكلم خالص، لكن بعد ما علموه بقى بيتكلم لغة الاشارة ويتواصل مع الناس.
وموغلي مكانش واحد بس، كان فيه موغلي كتير جدأ
وعشان تكون المعلومة حقيقية موغلي في الحقيقه هي كلمة تطلق على كل الأطفال البريين اللي بيكونوا في الغابات، و في الحقيقة كل القصص دي كانت بقعتها الأولى هي الهند..
عمرك كنت تتوقع أن موغلي في الحقيقة شخص صامت صديق للحيوانات، لكن الكارتون كان بيوصلنا حياته بحنية شويه؟

#موغلي #اسطوره #الحياه_البرية #صاحب #الحيوانات #الطيور #سبيس_تون #خيال #قصص #واقعية #طفل #مسافرين #شجره #اوراق_الشجر #لغه_الأشارة #حقيقية #معلومات #اطفال #غابات #الهند #صامت #صديق_البيئة #كارتون

*حقيقه الحياه منغيرالموبايل اللي انت ماسكه في ايدك دلوقتي*                                                             

الحياة البرية زيها زي أي حاجة في الحياة، ليها مميزاتها و عيوبها، علي أد ما هتساعدك و تبسطك بردو هتكون خطر عليك،ولكن دا طبعا بيختلف من مكان للتاني، كمان أنت هتختار تكون بري بإرادتك الحرة، و دا مش هيمثل خطر عليك.
بس خلينا نكون واقعيين ونعرفك قصص كانت نتيجة لخطر الحياة البرية.

حقيقة #الحياة #موبايل #مميزات #عيوب #خطر #بري #حره #اراده #واقعيين #قصص #الحياه #البرية

*اشهر القصص الواقعيه بنتين اسمهم كمالا و امالا*

أختين أنقذوهم من 3 ذئاب في أدغال ميدنابور ببنغال، لكن مقدروش يمنعوا تأثير الذئاب عليهم.
كانوا طول الوقت بياكلوا لحم نئ وبيعوا بليل بصوت عالي زي الذئاب، و كمان كانوا بيتعصبوا من هدومهم و يقطعوها
واتحول جسمهم لشكل غير معروف سببه لإيد ورجل قصيرة و سنانهم بقت ليها حواف حادة،و رغم قدرتهم إنهم يسمعوا و يتكلموا، محاولوش يتواصلوا مع البشر و محاولوش يتعافوا، و ماتوا في أعمار متفاوتة بسبب الفشل الكلوي من أكل اللحوم النيئة.
وعلشان نذكر طرف إيجابي من الموضوع آمالا تفاعلت مع العلاج وبدأت تقف تاني و تمشي و تتكلم كلمات بسيطة، بس إنجازها مكملش بسبب موتها من الفشل الكلوي.
متقلقش، دي قصص من 1920، الغابات دلوقتي بقت أكثر أمان، يعني لسه عندك فرصة و أكيد انت مش هتروح البنغال يعني ولا هتتخطف من الذئاب و أنت رايح تعيش حياة برية.

#كمالا #امالا #ادغال #ذئاب #ميدنابور #بنغال #تأثير #لحم #نئ #بليل #صوت #عواء #هدوم #عصبية #جسم #ايد #رجل #قصيره #سنان #حواف #حادة #يسمعوا #يتكلموا #بشر #تواصل #موت #فشل #كلوي #طرف #أيجابى 

*هتختار تستغني عن الموبايل؟ اذا لازم تكون صديق للبيئه😉*

وعلشان نأكد كلامنا إنك لو قررت تكون بري لازم تغير طريقة تفكيرك و تكون صديق للبيئة، و في الحقيقه أنت مش بس محتاج تكون صديق للبيئة، أنت كمان لازم تكون صديق للكائنات اللي في البيئة دي، و دا أكبر عامل هيخليك سعيد في حياتك البرية.
ونوثق دا بقصص حقيقية ممكن تفيدك,, طبعا كلنا سمعنا عن طرزان و في الحقيقة طرزان قصة خيالية لكن متاخدة من واقع شخصيات تانية اتربت على ايد الحياة البرية زي الجندي الأمريكي شون,, واللي كان دايما بيحلم يكون من المستذئبين أو رجال الذئاب من كتر تأثره بالأفلام اللي بيشوفها و بالفعل شون قرر يسافر و يعيش في حديقة ذئاب برية، وانهم يكونوا أسرته الجديدة والحاجة الغريبة أن الذئاب دي تقبلته كواحد منهم، عاش معاهم 3 سنين اتعلم منهم ازاي يكون زيهم فعلا، و مكانش بيستحمى طول المدة دي و كمان علموه ازاي يصطاد أكله.
مش بس كدا، لا كمان سافر علشان يقنع حبيبته تعيش نفس حياته وتتعلم أزاي تعوي و تصطاد، و بالفعل اتجوزوا و عملوا لأنفسهم بيت في الغابة و بقت الذئاب هي كل عيلتهم..
طبعا منقولكش تحب البرية بالشكل دا و تبقى مستذئب، بس بقولك انك لو فكرت تحب البيئة هي كمان هتحبك.

#موبايل #صديق_البيئة #بري #تفكير #الحقيقة #صديق #كائنات #سعيد #قصص #طرزان #خيالية #واقع #شخصيات #الجندي_الأمريكي #شون #سفر #حديقة_ذئاب #اسره #جديدة #ذئاب #صيد #بيت #غابه #عيلك #مستذئب

*انا قررت استغني عن الموبايل, اعمل ايه؟*

بعد كل القصص دي محتاجين نوضح أكتر لأي حد بيفكر يكون بري حتى لو لأسبوع علشان يجرب يعيش حياة جديدة محتاج يعمل ايه علشان يستعد..
أولا: هترمي الموبايل والنت أو خليهم علشان تشارك حياتك البرية علي الفيسبوك.
ثانيا: هتتعلم ازاي تولع نار من غير بوتجاز و دي مالية الدنيا اتعب شوية ودوّر هتكتشف.
ثالثا: محتاج تتعلم أصول الشواء يعني علشان لما تصطاد عصفورة متاكلهاش نيّة ويجيلك فشل كلوي زي الأختين اللي اتكلمنا عنهم فوق.
رابعا: محتاج تشتري بندقية، أو تتدرب ازاي تصطاد بالنبلة.
خامسا: محتاج صبر وصبر وصبر وشجاعة علشان لو شوفت حيوان هناك وجريت هيكون مصيرك الموت.
مستعد؟؟؟
#قصص #بري #اسبوع #حياه #جديدة #الموبايل #نت #فسيبوك #مشاركة #تولع #نار #بوتجاز #أكتشف #أتعب #دور #شواء #صيد #عصفوره #نيئة #فشل #كلوي #بندقيك #نبلك #صبر #شجاعة #موت #حيوان